Võrokõsõq piä-eiq inämp tingimädäq vyyrkiilsit arvotiprogrammõ tarvitama!
Taa leheküle pääle om püvvet kokko kor'ata kyik', miä om teedäq võrokeelitiside programmõ kotsilõ. Esialgu olõ-õiq tuud kuigi pall'o, a loodamiq, et aopikku tekküs tuud mano. Võrokeelitseq programmiq ommaq tekkünüq põhilidselt nii, et vabavara keelefailiq ommavaq tõlgit inglüse keelest võro kiilde. Kiä taht kommõntiiri, nõvvo andaq vai esiq avitadaq, võisiq kirotadaq aadrõssil vlaan (ätt) ut ee.
(Vahtsõnõ!) Mängoq. Tast või löüdäq võrokeelitsit kildamänge ja meelenpidämismänge.
Avant Browser . Avant Browser om tasota võrgokaemise programm' (niguq Netscape, Internet Explorer jt.). Keelefaili om võro kiilde pandnu Jüvä Sullõv. Võrokeelitse Avant Browseri installiir'mises tulõssi toimi järgmidselt.
Installiiri Avant Browser 10.0 vai 11.0 aadrõssilt http://www.avantbrowser.com/download.html vai tast.
Kopiiri fail est.lng Avant Browseri kataloogi nimega "Lang" (tüüpilidselt C:\Program Files\Avant Browser\Lang ). NB! est.lng om joba inne olõmah (sisaldas Avant Browseri tõlgõt põh'a-eesti kiilde), tä tulõ üle kirotadaq s'ollõ lehe päält võet failigaq.
Pandaq Avant Browser käümä ja valliq menüüst Tools -> Interface Language "Estonian".
Opera. Opera om tasota võrgokaemise programm' (niguq Netscape, Internet Explorer jt.). Suurõ inämbüse keelefailist om võro kiilde pandnu Jüvä Sullõv. Võrokeelitse Opera installiir'mises tulõssi toimi järgmidselt.
Installiiri Opera 6.05 aadrõssilt http://www.opera.com/download/ .
Kopiiri failiq vr.lng ja lngcode.txt Opera kataloogi (tüüpilidselt C:\Program Files\Opera\ ). NB! lngcode.txt om joba inne olõmah, tä tulõ üle kirotadaq.
Pandaq Opera käümä ja valliq menüüst File -> Preferences -> Languages -> User interface -> Choose alt võro kiil'.
Pandaq Opera kinniq ja vahtsõst käümä.
Windows Commander. Windows Commander om failõga kamandamisõ programm' (shareware litsentsigaq). Suurõ jao keelefailõst om võro kiilde pandnu Jüvä Sullõv. Windows Commanderi võrokeeltises muutmisõs tulõssi toimi järgmidselt.
Kopiiri Windows Commanderi kataloogi Languages failiq Wcmd_vr.lng ja Wcmd_vr.mnu .
Valliq menüüst Configuration -> Options -> Language võro kiil' ja menüüfailis säältsamast Wcmd_vr.mnu .
Gyula's Navigator. Gyula's Navigator om tasota failõga kamandamisõ programm', mis näge vällä inämp-vähämp niguq Norton Commander vai Windows Commander, a om noist veitse lihtsämp ja kehvemp. Keelefaili om võro kiilde pandnu Laanõ Valdis. Et tarvitõt synavarast arvo saiaq, piässi inne programmigaq tüüle nakkamist läbi lugõma taa jutu, koh om vällä pakut üts külätki radikaalnõ võimalus võrokeelitse arvotiterminoloogia arõndamisõs. Gyula's Navigatori installiir'mises tulõssi toimi järgmidselt.
Installiiri Gyula's Navigator aadrõssilt http://www.wanari.com/portal/pane0/Tools vai tast.
Kopiiri fail voro.dll (perämäne muutminõ 16.12.2002) kataloogi \Gyula's Navigator\Language\ .
Menüüst Show -> Options -> General -> Language valliq “võro kiil'”.
7-Zip. 7-Zip om lihtne, tasota pak'misprogramm'. Keelefaili om võro kiilde pandnu Laanõ Valdis.
Versiooni 7-Zip 2.30 Beta 25 saa installiiri aadrõssilt http://belnet.dl.sourceforge.net/sevenzip/7z230b25.exe.
Keele vaihtamisõs tulõ menüüst Tools->Options->Language valliq Voro (võro kiil').
WinShell. Winshell om tasota programm' Texi (tekstitegemise süsteem' matõmaatika jaos) tekste luumisõs ja tüütlemises. Keelefaili om võro kiilde pandnu Laanõ Valdis. Ümbrepandmisõ man om tavalidsõ puutrõsõnavara asõmõl tarvitõt veitse radikaalsõmbat synavarra . Võrokeelitse Winshelli installir'mises tulõssi toimi järgmidselt.
Installiiri WinShell 3.0.0.3 aadrõssilt http://www.winshell.de vai tast.
Kopiiri keelefail' vr.txt ja keelekuutõ fail translations.txt (perämäne muutminõ 21.12.2005) kataloogi WinShell\translations\. ("translations.txt" om sääl joba olõman, tuu tulõ üle kirotadaq.)
Menüüst Options -> Language valliq “Voro”.
Võro keele fondiq. Jüvä Sulõvi tettüq. Tulõ salvõstadaq Windows/Fonts kataloogi.
Inglüse-võro puutrõsõnaraamat. Tahtõ ommaq kirja pant mynõq inglüskelitseq synaq ja fraasiq näide võrokeelitside vastussidegaq, midä om iihpuulmainit programmõ ümbre pandmisõl tarvitõt. Taast synaraamatost võisiq ollaq api kyigilõ, kiä tahtvaq esiq programmõ ümbre pandaq. Loomulikult olõ-õiq synaraamat lõplik, oodõt ommavaq egasugutsõq tävvendüseq ja kommõntaariq.
Üts võimalus radikaalsõ võrokeelitse arvotiterminoloogia arõndamisõs.
Midä leheq taast värgist kirotasõq?
Valmimas on esimesed võrukeelsed arvutiprogrammid, Sven Vabar, Vaba Euroopa, 14. august 2002.
Mida teeb võro rahvuslane Operaga? Lauri Linnamäe, Arvutimaailm, detsember 2002.